پشاور(ويب ڊيسڪ) فيڊرل ڪانسٽيبلري (ايف سي) هيڊڪوارٽر تي ٿيل خودڪش حملي جي جاچ ۾ اهم اڳڀرائي سامهون آئي آهي، جنهن ۾ دهشتگردي جي هن ڪارروائي بابت وڌيڪ انڪشاف ٿيا آهن۔
سي ٽي ڊي موجب جاچ شروع ڪئي وئي آهي ۽ مارجي ويل ٿيل دهشتگردن جا جسمان جا ٽڪرا حاصل ڪري ڊي اين اي ٽيسٽ لاءِ ليبارٽري موڪليا ويا آهن۔ جاچ مان معلوم ٿيو آهي ته ٽئين حملو ڪندڙ هڪ ئي موٽر سائيڪل تي آيا هئا، جيڪي ڪوهاٽ روڊ ۽ سول ڪوارٽر کان ٿيندا واقعي واري هنڌ پهتا ۽ ايف سي هيڊڪوارٽر کان ڪجهه فاصلي تي موٽر سائيڪل بيهاري ڇڏي۔
سي ٽي ڊي جو چوڻ آهي ته دهشتگردن وٽ ڪلاشنڪوف ۽ اٺ کان وڌيڪ هٿ بم موجود هئا، جڏهن ته پوليس دهشتگردي ۾ استعمال ٿيل موٽر سائيڪل به تحويل ۾ وٺي ڇڏي آهي۔
ياد رهي ته گذريل ڏينهن ايف سي هيڊڪوارٽر پشاور تي ٽن دهشتگردن طرفان حملي جي ڪوشش ڪئي وئي هئي، جنهن ۾ ٽي جوان شهيد ۽ 11 زخمي ٿيا، جڏهن ته جوابي ڪارروائي ۾ ٽئين دهشتگرد مارجي ويا هئا۔
