ساهيوال(ويب ڊيسڪ) پنجاب جي ضلعي ساهيوال ۾ هڪ يونيورسٽي جي شاگردياڻي کي آن لائن پئسا ڪمائڻ جو آسرو ڏئي اغوا ڪيو ويو، پر پوليس جي بروقت ڪارروائي سبب کيس حفاظت سان بازياب ڪرايو ويو۔
رپورٽن موجب واقعي کي ٽي ڏينهن گذري ويا، جڏهن شاگردياڻي گهر کان يونيورسٽي لاءِ نڪتي پر ٿوري دير بعد سندس فون بند ٿي ويو ۽ هوءَ يونيورسٽي به نه پهتي۔
ڊي پي او عثمان ٽيپو ٻڌايو ته شاگردياڻي کي سوشل ميڊيا تي هڪ عورت آن لائن ڪمائي جي لالچ ڏئي اغوا ڪيو۔ پوليس فريد ٽائون جي ٽيم جديد ٽيڪنالاجي جي مدد سان ڪارروائي ڪندي شاگردياڻي کي سيالڪوٽ مان بازياب ڪيو ۽ اغوا ڪندڙ عورت کي گرفتار ڪري ورتو۔
پوليس موجب بازياب ٿيل شاگردياڻي جي عمر 19 سال آهي، جڏهن ته اغوا ڪندڙ عورت خلاف قانوني ڪارروائي شروع ڪئي وئي آهي۔
