اسلام آباد (ويب ڊيسڪ) اسلام آباد ۾ عورتن تي تشدد جي خاتمي جي عالمي ڏينهن جي موقعي تي پاڪستان جي خاتون اول آصفه ڀٽو زرداري چيو آهي ته جتي عورتون خوف يا خاموشي جي زندگي گذارين ٿيون، اهي معاشرا ڪڏهن به ترقي نٿا ڪري سگهن۔
هن چيو ته رياست پاڪستان سڀني عورتن ۽ ٻچين جي عزت، حقن ۽ حفاظت لاءِ پرعزم آهي۔ سزا کان بچي وڃڻ واري ثقافت کي ختم ڪرڻ انصاف لاءِ ضروري آهي، ۽ اسان کي تعصب بدران احترام، خاموشي بدران همت ۽ غفلت بدران جوابدهي کي اختيار ڪرڻو پوندو۔
آصفه ڀٽو زرداري وڌيڪ چيو ته عورتن جي آواز اهم آهي، انهن جو تحفظ ۽ خواب اهم آهن، ايندڙ نسلن لاءِ وڌيڪ محفوظ ۽ برابر معاشري جو قيام لازمي آهي۔
هن زور ڏنو ته پاڪستان جي ترقي عورتن لاءِ محفوظ ماحول سان مشروط آهي، ۽ پاڪستان جا شهري، ادارا ۽ ڪميونٽيز عورتن تي تشدد جي خاتمي لاءِ متحد ٿيڻ گهرجن۔
