ڪراچي(اسٽاف رپورٽر) حُرن جي روحاني پيشوا پير پاڳاري شاهه مردان شاهه ثاني مرحوم جي ڀاءُ نادر شاهه راشدي جي نُهن، منيبہ شاهه راشدي، پاڪستان پيپلز پارٽي ۾ شامل ٿي وئي.
منيبہ شاهه راشدي پنهنجي شموليت جو اعلان ڇنڇر جي ڏينهن نثار کهڙو جي رهائشگاهه تي سندن موجودگي ۾ ڪيو. ان موقعي تي پيپلز پارٽي عورت ونگ ڪراچي ڊويزن جي جنرل سيڪريٽري ۽ صوبائي وزير شاهينه شير علي پڻ موجود هئي.
پيپلز پارٽي سنڌ جي صدر نثار کهوڙي چيو ته پير صاحب پاڳاري ۽ سندن خاندان لاءِ وڏي عزت آهي، ۽ منيبہ شاهه راشدي جي شموليت تي پارٽي کين ڀليڪار ڪري ٿي.
منيبہ شاهه راشدي چيو ته هوءَ صدر آصف علي زرداري، چيئرمين بلاول ڀٽو زرداري ۽ ادي فريال ٽالپر جي قيادت تي اعتماد ڪندي پيپلز پارٽي ۾ شامل ٿي رهي آهي. هن وڌيڪ چيو ته هوءَ پارٽي کي مضبوط ڪرڻ لاءِ پنهنجو مڪمل ڪردار ادا ڪندي.
صوبائي وزير شاهينه شير علي چيو ته پيپلز پارٽي ئي اها واحد جماعت آهي جنهن عورتن کي بااختيار بڻايو آهي ۽ هر فورم تي نمائندگي ڏني آهي.
واضح رهي ته منيبہ شاهه راشدي، نادر شاهه راشدي جي نُهن ۽ قائم شاهه راشدي جي زال آهي، جيڪي حُرن جي روحاني پيشوا پير صاحب پاڳاري شاهه مردان شاهه ثاني مرحوم جي خاندان سان تعلق رکن ٿا.
