لاهور(ويب ڊيسڪ) وهاري ۽ جھنگ ۾ وڪيلن جي بيدردي سان قتل ٿيڻ واري واقعي کان پوءِ پنجاب بار ڪائونسل طرفان صوبائي سطح تي وڏو فيصلو ڪيو ويو آهي. پنجاب بار ڪائونسل جي صدر اعلان ڪيو آهي ته پنجاب جي سڀني 43 ضلعن ۽ 170 تحصيل بارز ۾ پوليس جي داخلا تي پابندي هوندي.
صدر بار پنهنجي بيان ۾ چيو ته وڪيلن جي تحفظ لاءِ سخت قدم کنيا ويندا ۽ مطالبو ڪيو ته ملزمان خلاف وڪلا پروٽيڪشن ايڪٽ تحت مقدمو داخل ڪيو وڃي. هن وڌيڪ چيو ته وڪيلن جي بائيڪاٽ دوران عدالتون ڪنهن به شهري خلاف منفي حڪم جاري نه ڪنديون.
پنجاب بار ڪائونسل جي اپيل تي ضلعي ڪچهري ۾ وڪيلن جي هڙتال اڄ به جاري آهي. صبح ساڍا يارهين وڳي بار جو احتجاجي اجلاس سڏيو ويو آهي، جنهن ۾ وڪيلن جي قتل خلاف احتجاج ڪيو ويندو.
پنجاب بار ڪائونسل جو موقف آهي ته وڪيلن جي جان ۽ عزت جي تحفظ لاءِ قانوني ۽ تنظيمي سطح تي سخت قدم کنيا ويندا ۽ ذميوارن کي قانون جي ڪٽهڙي ۾ آندو ويندو. هن اعلان سان صوبو ڀر ۾ عدالتي ڪارروائين تي به اثر پيو آهي، جتي وڪيلن جي احتجاج سبب ڪيترائي ڪيس ملتوي ٿي ويا آهن.
