ڪراچي(ويب ڊيسڪ) پاڪستان جي معيشت لاءِ تيل ۽ گيس جي شعبي مان هڪ اهم خوشخبري سامهون آئي آهي. ترڪيه ۽ پاڪستان جي وچ ۾ سمنڊ ۾ تيل ۽ گيس جا نوان ذخيرا ڳولڻ لاءِ معاهدي تي صحيحون ڪيون ويون آهن. معاهدي تحت ايسٽرن آف شور انڊس بلاڪ سي ۾ تيل ۽ گيس جي دريافت لاءِ ڪم ڪيو ويندو
پاڪستان پيٽروليم لميٽيڊ (پ پي ايل) طرفان پاڪستان اسٽاڪ ايڪسچينج کي موڪليل خط ۾ ڄاڻايو ويو آهي ته هن معاهدي سان ٻنهي ملڪن جي توانائي شعبي ۾ تعاون جو نئون باب کلي ويو آهي.
پي پي ايل پنهنجو 25 سيڪڙو حصو ۽ آپريٽرشپ ترڪيه جي پيٽروليم اوورسيز کي منتقل ڪري ڇڏيو آهي. او جي ڊي سي ايل ۽ ماري انرجيز هن منصوبي ۾ 20 سيڪڙو ڀائيوار آهن. پي پي ايل منصوبي ۾ پنهنجو 35 سيڪڙو حصو برقرار رکندو.
خط ۾ وڌيڪ چيو ويو آهي ته هي ڀائيواري پاڪستان جي سامونڊي علائقن ۾ تيل ۽ گيس جي تلاش جي طرف هڪ اهم قدم آهي، جيڪو ٻنهي ملڪن جي ڊگهي مدي واري اسٽرٽيجڪ توانائي اتحاد کي وڌيڪ مضبوط ڪندو.
