ممبئي(ويب ڊيسڪ) بالي ووڊ اداڪاره ڪريتي سينن هن وقت پنهنجي نئين فلم “تيرے عشق ۾“ جي ڪاميابي مان لطف اندوز ٿي رهي آهي، پر سندس گهر ۾ خوشيءَ جو هڪ ٻيو موقعو به اچي ويو آهي.
ڀارتي ميڊيا رپورٽن موجب، ڪريتي سينن جي ننڍي ڀيڻ نوپور سينن پنهنجي دوست ۽ گلوڪار سٽيبن بين سان شادي ڪرڻ واري آهي، ۽ گهر ۾ شاديءَ جون تياريون جاري آهن.
ذريعا ٻڌائي رهيا آهن ته نوپور هن سيزن ۾ هڪ وڏي ڊيسٽينيشن ويڊنگ ڪرڻ چاهي ٿي، جنهن لاءِ فيئر مونٽ اديپور پيلس جي چونڊ ڪئي وئي آهي. شادي جون تقريبون نئين سال جي شروعات سان گڏ 8 ۽ 9 جنوري تي ٿيڻ جو امڪان آهي.
تقريب نجِي رکڻ جو فيصلو ڪيو ويو آهي، پر خاندان، ويجها دوست ۽ شوبز جي مشهور شخصيتن جي شرڪت جو امڪان آهي. رپورٽن موجب، پهريون ڏينهن مهندي ۽ راڳ رنگ لاءِ مخصوص هوندو، جڏهن ته ٻئي ڏينهن شاديءَ جون مرڪزي رسمون ادا ڪيون وينديون.
تنهن هوندي به، اڃا تائين نه ڪريتي سينن، نه نوپور ۽ نه ئي ٻنهي خاندانن طرفان شاديءَ جي خبرن جي باضابطه تصديق ڪئي وئي آهي، پر تيارين ۽ انتظامن جي هلچل هن خبر کي وڌيڪ هٿي ڏئي رهي آهي.
