اسلام آباد (ويب ڊيسڪ) اليڪشن ڪميشن اسلام آباد جي بلدياتي چونڊن جو شيڊول جاري ڪري ڇڏيو آهي، جنهن موجب وفاقي گاديءَ واري هنڌ ۾ بلدياتي چونڊون 15 فيبروري تي منعقد ٿينديون. اليڪشن ڪميشن بلدياتي قانون 2015 تحت چونڊون ڪرائڻ جو فيصلو ڪيو آهي.
شيڊول مطابق اميدوارن جا ڪاغذ نامزدگي 22 کان 27 ڊسمبر تائين جمع ڪرايا ويندا، جڏهن ته انهن جي جانچ پڙتال 30 ڊسمبر کان 3 جنوري تائين جاري رهندي. اميدوارن کي انتخابي نشانيون 16 جنوري تي الاٽ ڪيون وينديون.
ڊپٽي ڪمشنر اسلام آباد عرفان نواز منہاس کي بلدياتي چونڊن لاءِ ڊي آر او مقرر ڪيو ويو آهي. اسلام آباد جي 125 يونين ڪائونسلن ۾ بلدياتي چونڊون منعقد ڪيون وينديون۔
