لاهور (ويب ڊيسڪ) نيشنل سائبر ڪرائم ايجنسي جي آفيسرن پاران مبينا طور ڪروڙين رپين جي رشوت وٺڻ جي انڪشاف بعد ايف آءِ اي ڪرپشن اسڪينڊل جي جاچ جو دائرو وڌيڪ وڌائي ڇڏيو آهي، جنهن سان ادارن اندر هَلچل مچي وئي آهي۔
ايف آءِ اي ذريعن موجب مخصوص دور ۾ مقرر وڌيڪ آفيسرن ۽ اهلڪارن خلاف جاچ شروع ٿي چڪي آه، ۽ جلد ئي ڪراچي سينٽر جي اڳوڻي اعليٰ آفيسر سميت ڪيترن کي طلب ڪيو ويندو۔
اسڪينڊل جي شروعات مشهور يوٽيوبَر ڊڪي ڀائي کان مبينا رقم وٺڻ واري معاملي کان ٿيو، جنهن بعد جاچ ٻين شهرن تائين به وڌائي وئي۔ رپورٽن مطابق لاهور ۽ ٻين وڏن شهرن جا آفيسر ۽ اهلڪار پڻ جاچ جي فهرست ۾ شامل ٿي چڪا آهن۔
جاچ دوران لاهور ۽ اسلام آباد ۾ مختلف ڪيسن ۾ ملوث ڪيترن ئي اهلڪارن جون گرفتاريو پڻ عمل ۾ آيون آهن، جڏهن ته ذريعن جو چوڻ آهي ته اسڪينڊل ۾ ملوث چار آفيسرن جون استعيفائون به منظور ڪيون ويون آهن۔
ايف آءِ اي جي وڌندڙ ڪارروائين سبب امڪان ظاهر ڪيو پيو وڃي ته ايندڙ ڏينهن ۾ وڌيڪ نالا سامهون اچي سگهن ٿا، جنهن سان هي ڪرپشن اسڪينڊل نئون رخ اختيار ڪري سگهي ٿو۔
