سنگاپور (ويب ڊيسڪ) بنگلا ديش جي 2024 جي شاگرد احتجاجن جو اڳواڻ شريف عثمان هادي، جيڪو فائرنگ کان پوءِ زخمي حالت ۾ علاج لاءِ سنگاپور منتقل ڪيو ويو هو، علاج دوران فوت ٿي ويو۔ سنگاپور جي پرڏيهي وزارت بيان جاري ڪندي چيو ته ڊاڪٽرن جي پوري ڪوششن باوجود هادي زخمَن جا سور نه سهي سگهيو ۽ فوت ٿي ويو۔
جھوٹ کا پردہ چاک ہوکر ہی رہتا ہے
شیخ مجیب کا بیانیہ اتنا ہی سچا ہوتا تو آج بنگلہ دیش کی نئی نسل تک سرایت ضرور کرتا۔
آج بنگلہ دیش کی نئی نسل نہ صرف شیخ مجیب کی باقیات کا خاتمہ کررہی ہے بلکہ اس کی بیٹی حسینہ واجد کی بھارت سے حوالگی کا مطالبہ کررہی ہے۔
جماعت اسلامی کے قربانی دینے… pic.twitter.com/KSJKGEkjOC— Ali Raza Shaaf (@AliRazaShaaf) December 19, 2025
بنگلا ديشي اخبار موجب، هادي جيڪو ايندڙ قومي چونڊن ۾ ڍاڪا-8 تڪ لاءِ امڪاني اميدوار طور ڏٺو پئي ويو، 12 ڊسمبر تي گاڌي واري هنڌ ڍاڪا ۾ رڪشي ۾ سفر دوران مٿس فائرنگ ڪري مٿي ۾ گولي هنئي وئي۔ حملو ڪندڙ موٽرسائيڪل تي سوار هو، جنهن کان پوءِ هادي کي فوري طور ڍاڪا ميڊيڪل ڪاليج اسپتال منتقل ڪيو ويو۔
مقامي ڊاڪٽرن ٻڌايو ته هادي جو دماغ سخت متاثر ٿيو هو، جنهن سبب کيس وڌيڪ علاج لاءِ 15 ڊسمبر تي سنگاپور جنرل اسپتال جي نيوروسرجري آءِ سي يو ۾ داخل ڪيو ويو۔
هادي جي عمر 32 سال هئي ۽ هو شاگردن جي احتجاجي گروپ انقلاب منچ جو سينيئر اڳواڻ هو۔ هو ڀارت جو سخت ناقد رهيو، جيڪو اڳوڻي وزيراعظم شيخ حسينه جو ويجهو اتحادي رهيو آهي، ۽ حسينه هن وقت پاڻمرادو جلاوطني ۾ آهي۔
انقلاب منچ فيس بڪ تي اعلان ڪيو ته “هندستاني بالادستي خلاف جدوجهد ۾ الله وڏي انقلابي عثمان هادي کي شهيد قبول ڪيو آهي۔
پوليس هادي تي فائرنگ ڪندڙن جي ڳولا شروع ڪري ڇڏي آهي۔ ٻن مرڪزي شڪين جون تصويرون جاري ڪيون ويون آهن ۽ انهن جي گرفتاري لاءِ پنج لک ٽڪا (تقريباً 42 هزار آمريڪي ڊالر) انعام جو اعلان ڪيو ويو آهي۔
پرڏيهي ميڊيا موجب، بنگلا ديشي اختيارين عثمان هادي جي قتل ۾ ملوث مرڪزي جوابدار جي سڃاڻپ فيصل ڪريم مسعود جي نالي سان ڪئي آهي، جڏهن ته سندس ساٿي موٽرسائيڪل هلائيندڙ شخص کي عالمگير شيخ طور سڃاتو ويو آهي۔
