لاهور(ويب ڊيسڪ) ڪوٽ لکپت جيل ۾ قيد پي ٽي آءِ قيادت هڪ ڀيرو ٻيهر ڳالهه ٻولهه جي حمايت ڪري ڇڏي آهي۔
قيد اڳواڻن پنهنجي وڪيل رانا مدثر جي ذريعي ميڊيا ڏانهن خط موڪليو، جنهن تي شاه محمود قريشي، ياسمين راشد، عمر سرفراز چيمه، اعجاز چوڌري ۽ ميان محمودالرشيد جون صحيحون موجود آهن۔
خط ۾ چيو ويو آهي ته گذريل ٽي سال اٺ مهينن کان پاڪستان سخت بحرانن ۾ ڦاٿل آهي، ۽ هر محب وطن تي ذميواري آهي ته ملڪ لاءِ سوچيندي پرامن ذريعن سان مقصد حاصل ڪري۔
پي ٽي آءِ اڳواڻن جو موقف آهي ته هر سطح تي ڳالهه ٻولهه ئي واحد حل آهي، جيڪو نه رڳو پاڪستان پر خاص طور تي تحريڪ انصاف کي بحران مان ٻاهر ڪڍي سگهي ٿو۔
خط ۾ وڌيڪ چيو ويو آهي ته باني پي ٽي آءِ طرفان “تحريڪ تحفظ آئين” کي ذميواري ڏني وئي آهي ته هو قومي جماعتن سان مشاورت ڪري حل تجويز ڪن، ڇو ته مشورن سان ڳالهين جو دروازو آهي۔ اڳواڻن اميد ظاهر ڪئي ته محمود اچڪزي ۽ علامه راجا ناصر قوم جي اڳواڻي ڪندا۔
