راولپنڊي(ويب ڊيسڪ) اولڊ ايئرپورٽ روڊ تي سيڪيورٽي ڊويزن ۾ مقرر پوليس اهلڪار صبح سوير گاڏين کي روڪي مبينا رشوت وٺندي وڊيو ۾ ظاهر ٿيو، جيڪا سوشل ميڊيا تي وائرل ٿيڻ بعد انتظاميا جي ڌيان جو مرڪز بڻجي وئي۔
وڊيو ۾ اهلڪار کي وردي ۾ گاڏي روڪيندي ۽ ڊرائيور سان ڳالهائيندي ڏسي سگهجي ٿو، جتي هو رشوت جي مطالبن بابت کليل لفظن ۾ ڳالهائي رهيو آهي۔ اهلڪار ڊرائيور کي چوندو ٻڌو ويو: “روز بيوقوف بڻائي وڃو ٿا، اڄ ڇا ڪندؤ، صبح صبح چاءِ پاڻي ڏيو، اڳ به ڪيترائي ڀيرا فري ۾ ڇڏيو آهي۔” هڪ ٻئي موقعي تي هن چيو: “روز اسان کي مهرباني ڪرڻي آهي، ڏهه ڏينهن بعد ملندا آهيو ته فر في ياون ياون ڪندا آهيو۔”
وڊيو منظرعام تي اچڻ بعد سي پي او راولپنڊي سيد خالد همداني سخت برهمي جو اظهار ڪيو ۽ فوري طور تي اهلڪار اعظم کي معطل ڪندي سندس خلاف چارج شيٽ جاري ڪرڻ جو حڪم ڏنو۔
سي پي او خالد همداني چيو ته جيڪو اهلڪار محڪمي جي وقار کي مجروح ڪري ٿو، اهو اسان مان ناهي۔ هن واضع ڪيو ته بدعنواني ۽ اختيارن کان وڌي وڃڻ ڪنهن به صورت ۾ برداشت نه ڪيو ويندو، ۽ آفيسرن کي پنهنجو قبلو درست ڪرڻو پوندو۔
