اسلام آباد (ويب ڊيسڪ) پاڪستان جي ناليواري ڪاروباري شخصيت عارف حبيب، پاڪستان انٽرنيشنل ايئرلائنز (پي آئي اي) جي خريداري کان پوءِ اعلان ڪيو آهي ته ايئرلائن جي جهازن جو تعداد 38 کان وڌائي 65 تائين ڪيو ويندو.
اسلام آباد ۾ ٻولي ۾ ڪاميابي کان پوءِ ميڊيا سان ڳالهائيندي عارف حبيب چيو ته حڪومت شفاف طريقي سان نجڪاري جو عمل مڪمل ڪيو آهي، جنهن سان پاڪستاني معيشت کي فائدو ٿيندو. هن وڌيڪ چيو ته اڄ پاڪستان کٽيو آهي، ٻاهريان سيڙپڪار ملڪ ڏانهن راغب ٿيندا ۽ روزگار جا نوان موقعا پيدا ٿيندا.
عارف حبيب گروپ 135 ارب رپيا جي ڪامياب ٻولي سان پي آءِ اي خريد ڪئي، جڏهن ته لڪي ڪنسورشيم 134 ارب رپيا جي ؓولي ڏني هئي. هاڻي نجڪاري ڪميشن ۽ وفاقي ڪابينا جي منظوري کان پوءِ پي آءِ اي عارف حبيب ڪنسورشيم حوالي ڪئي ويندي.
