لاهور (شوبز نيوز) عالمي شهرت يافته گلوڪار استاد راحت فتح علي خان جي ڌيءَ ماهين خان شادي جي ٻنڌڻ ۾ ٻڌجي وئي آهي، مايون، مهندي ۽ بارات کان پوءِ هاڻي وليمي جو فوٽو شوٽ به سوشل ميڊيا تي وائرل ٿي ويو آهي.
استاد راحت فتح علي خان هن وقت پنهنجي ڌيءَ جي شادي جي تقريبن سبب توجهه جو مرڪز بڻيل آهي، جن جون تصويرون ۽ وڊيوز تيزي سان سوشل ميڊيا تي شيئر ٿي رهيون آهن.
ماهِين خان جو نڪاح شايان سان لاهور ۾ ٿيو، جتي مداحن کي خاص طور تي دلھن جو انداز تمام گهڻو پسند آيو. گذريل رات لاهور ۾ وليمي جي تقريب منعقد ٿي، جنهن ۾ ويجها مٽ مائٽ ۽ دوستن شرڪت ڪئي.
خوبصورت دلھن ماهين خان اسٽيل گري رنگ جو ديدہ زيب لهنگو پهريو، جنهن تي ڀاري ڪڙھائي ٿيل هئي، جڏهن ته هلڪي ڪڙھائي وارو نيٽ دوپٽو ۽ زيورن جو چونڊيل سيٽ هن جي شخصيت کي وڌيڪ نکاريو.
ساڳئي وقت گهوٽ شايان به ڊارڪ گري رنگ جو ٿري پيس سوٽ، اڇي شرٽ ۽ گري ٽائي سان ڪنوار جي انداز سان ڀرپور جچيو.
ماهِين خان جي شادي جون تصويرون ۽ وڊيوز هاڻي سوشل ميڊيا تي وائرل آهن، ۽ مداح سندن دلڪش انداز کي خوب ساراهه پيا ڏين.
