ڪراچي (ويب ڊيسڪ) سال 2026 جو سج پاڪستان ۾ نون خوابن، امنگن ۽ اميدن سان اُڀريو، جڏهن ته 2025 پنهنجي تلخ ۽ يادن سان ماضي جو حصو بڻجي ويو۔ نئين سال جي پهرين صبح دعائن، بارانِ رحمت ۽ بهتر مستقبل جي اميدن سان شروع ٿي۔
ڪراچي ۾ سج صبح 7:17 تي اُڀريو، جتي هِل پارڪ ۾ وڏي تعداد ۾ شهري گڏ ٿيا ۽ نئين سال جي پهرين شعاع کي ڪيمرن ۾ قيد ڪيو۔ مساجد ۾ ملڪ جي سلامتي، ترقي ۽ امن لاءِ خاص دعائون ڪيون ويون۔
راولپنڊي ۽ اسلام آباد ۾ موسلاڌار برسات سبب سج نظر نه اچي سگهيو، پر چار مهينن جي خشڪ سالي کان پوءِ وسندڙ برسات کي عوام وڏي نعمت قرار ڏنو۔ صبح سوير گج گوڙ سان گڏ برسات شهرن کي جل ٿل ڪري ڇڏيو، پارڪ ۽ وڻ ڌوئي ويا ۽ فضا ۾ تازگي پکڙجي وئي۔
نئين سال جي پهرين ڏينهن جي شروعات اسلام آباد ۽ راولپنڊي ۾ فجر جي نماز سان ٿيو، جتي رش غير معمولي هئي ۽ نماز کان پوءِ ملڪ جي خوشحالي ۽ سلامتي لاءِ دعائون ڪيون ويون۔
نئين سال جو پهريون سج ٻن وڏين خوشخبريَن سان اُڀريو– پيٽرول ۽ ڊيزل جي قيمتن ۾ ڏهه رپيا تائين رڪارڊ گهٽتائي ۽ ڏڪار کان پوءِ برسات۔
لاهور ۽ پنجاب ۾ جڙالي موسم ۽ شديد ڌند سبب سج مڪمل طور تي نظر نه اچي سگهيو، جڏهن ته ڪوئٽه ۾ سج 7:45 تي اُڀريو ۽ فجر جي نماز ۾ ملڪ جي سلامتي لاءِ خاص دعائون ڪيون ويون۔
سال 2025 پنهنجي يادن ۽ سبقن سان ماضي ۾ دفن ٿي ويو، جڏهن ته 2026 نئين روشني، نئين شروعات ۽ روشن مستقبل جي اميد سان اُڀري چڪو آهي۔
