ڪيمبرج (نمائندو رپورٽ):امريڪي رياست ميـساچوسٽس جي شهر ڪيمبرج ۾ پاڪستاني ڄائي اميدوارن تاريخ لکي ڇڏي ڇڏي. ڪراچي سان تعلق رکندڙ سنبل صديقي ٽيون ڀيري ميئر چونڊجي آئي، جڏهن ته بوري والا سان تعلق رکندڙ برهان عظيم کي شهر جو سڀ کان ننڍي عمر وارو ڊپٽي ميئر چونڊيو ويو.
عالمي خبرن موجب، پهريون ڀيرو ڪيمبرج جي تاريخ ۾ ميئر ۽ ڊپٽي ميئر ٻنهي جا عهدن تي پاڪستاني ڄائي آمريڪن چونڊجي آيا، جيڪو نه رڳو پاڪستاني برادري پر ٻين اقليتن لاءِ به اهم سنگِ ميل آهي.
5 جنوري تي ٿيل سٽي ڪائونسل چونڊ ۾ سنبل صديقي کي ميئر چونڊيو ويو، جيڪا پيشي ور وڪيل آهي ۽ آمريڪي سياست ۾ هڪ متحرڪ ۽ بااثر نالو سمجهي وڃي ٿي. هوءَ 2017 ۾ پهريون ڀيرو ڪائونسلر چونڊجي آئي ۽ 2020 کان 2024 تائين ٻه ڀيرا ميئر رهي چڪي آهي. سنبل صديقي کي اهو اعزاز به حاصل آهي ته هوءَ ڪيمبرج جي پهرين مسلمان ۽ پهرين ايشيائي ڄائي عورت آهي، جيڪا ٽيون ڀيرو ميئر چونڊجي آئي.
نئون ڊپٽي ميئر برهان عظيم، نامور استاد پروفيسر منير چوڌري جو فرزند آهي، جيڪو ايم آءِ ٽي بوسٽن مان انجنيئرنگ جي تعليم حاصل ڪري چڪو آهي. هو اڳ ۾ به ڪيمبرج جو ننڍي عمر وارو ڪائونسلر رهيو آهي ۽ هاڻي ٻيهر ڪائونسلر چونڊجڻ کان پوءِ شهر جو سڀ کان ننڍي عمر وارو ڊپٽي ميئر بڻجي ويو آهي.
هن تاريخي ڪاميابي تي آمريڪا ۽ پاڪستان ۾ پاڪستاني ڪميونٽي پاران خوشي ۽ فخر جو اظهار ڪيو پيو وڃي.
