اسلام آباد (اسپورٽس رپورٽر): پاڪستان سپر ليگ (پي ايس ايل) ۾ ٻن نون فرنچائزز جي نيلامي جو عمل جناح ڪنونشن سينٽر اسلام آباد ۾ جاري رهيو، جنهن ۾ وڏي دلچسپي ڏسڻ ۾ آئي.
HBL PSL Teams Auction 2026 at Jinnah Convention Centre#HBLPSL | #NewEra https://t.co/amRoUGlQUl
— Pakistan Cricket (@TheRealPCB) January 8, 2026
نيلامي ۾ شروعاتي طور 10 گروپس شامل هئا، پر علي ترين گروپ آخري وقت ۾ هٿ کڻي ويو، جنهن بعد 9 گروپس ميدان ۾ رهيا.
ستين فرنچائز جي نيلامي
- ابتدائي رقم هڪ ارب 10 ڪروڙ رکي وئي.
- آءِ ٽو سي گروپ هڪ ارب 55 ڪروڙ جي ٻولي ڏني.
- پرزم گروپ وڌيڪ ٻولي ڏيڻ کان معذرت ڪئي.
- ايف ڪي ايس گروپ 13 ڪروڙ جو اضافو ڪندي ٻولي 1 ارب 68 ڪروڙ تائين پهچائي.
- آءِ ٽو سي گروپ 1 ارب 70 ڪروڙ تائين ويو، پر آخرڪار ايف ڪي ايس گروپ 1 ارب 75 ڪروڙ جي ٻولي سان نيلامي کٽي ورتي.
- ايف ڪي ايس گروپ اعلان ڪيو ته فرنچائز جو نالو حيدرآباد رکيو ويندو.
اٺين فرنچائز جي نيلامي
- بنيادي پرائز 170 ڪروڙ رکيو ويو.
- آءِ ٽو سي گروپ 172 ڪروڙ جي آفر ڏني.
- ايم نيڪسٽ گروپ 173 ڪروڙ تائين ويو.
- ايم نيڪسٽ بعد ۾ 176 ڪروڙ جي ٻولي لڳائي، جڏهن ته اوزي ڊولپرز 178 ڪروڙ تائين پهتا.
- آخرڪار آءِ ٽو سي گروپ 180 ڪروڙ جي رڪارڊ ٻولي ڏني، جنهن تي اوزي ڊولپرز هٿ کڻي ويا.
تقريب جا اهم لمحا
- چيئرمين پي سي بي محسن نقوي رائزنگ اسٽار ايشيا ڪپ جي فاتح ٽيم کي 9 ڪروڙ رپيا انعام ڏنو.
- هانگ ڪانگ سڪسز جي فاتح ٽيم کي هڪ ڪروڙ 85 لک رپيا انعام ۾ ڏنا ويا.
- ڪامياب پارٽين کي اختيار ڏنو ويو ته هو راولپنڊي، حيدرآباد، فيصل آباد، گلگت، مظفرآباد ۽ سيالڪوٽ مان ٽيم جو نالو چونڊ ڪري سگهن.
