واشنگٽن (ويب ڊيسڪ) آمريڪا پنهنجي شهرين کي فوري طور ايران ڇڏڻ جي هدايت ڪئي آهي، ڇوته ملڪ ۾ جاري احتجاج ڏينهون ڏينهن شدت اختيار ڪري رهيو آهي ۽ حالتن جي “پرتشدد” ٿيڻ جو خدشو وڌي ويو آهي۔
آمريڪي سفارتخاني جي وارننگ ۾ چيو ويو آهي ته ايران ۾ احتجاجن سبب گرفتارين، زخمين، سيڪيورٽي قدمن، روڊن جي بندش، ٽرانسپورٽ جي معطلي ۽ انٽرنيٽ جي بندش جهڙيون حالتون آهن، جن سان آمريڪي شهرين جي سلامتي کي خطرو آهي۔
سفارتخاني صلاح ڏني آهي ته آمريڪي شهري جيڪڏهن محفوظ ٿي سگهي ته زميني رستن وسيلي آرمينيا يا ترڪي جي رستي ايران ڇڏين۔ ساڳئي وقت چيو ويو آهي ته انٽرنيٽ بندش جي پيش نظر رابطن جا متبادل انتظام ڪيا وڃن۔
ٻٽي شهريت رکندڙ آمريڪي–ايراني شهرين کي به خبردار ڪيو ويو آهي ته ايران ٻٽي شهريت کي تسليم نٿو ڪري، تنهنڪري انهن کي پنهنجي ايراني پاسپورٽ سان ئي ايران ڇڏڻ گهرجي۔
