اسلام آباد(ويب ڊيسڪ) وزيراعظم شهباز شريف چيو آهي ته معرڪه حق فتح کان پوءِ پاڪستاني جنگي جهازن جي طلب دنيا ڀر ۾ وڌي وئي آهي ۽ ڪيترن ئي ملڪن خريداري لاءِ رابطا شروع ڪيا آهن۔
ڪابينه اجلاس ۾ خطاب ڪندي وزيراعظم شهباز شريف سڀني وزيرن جي ڪارڪردگي جو اعتراف ڪندي کين شاباش ڏني.
هن ٻڌايو ته ورلڊ لبرٽري فنانشل سان مفاهمتي يادداشت تي تاريخي دستخط ٿيا آهن، جنهن سان ملڪ جي معيشت کي فائدو ٿيندو.
شهباز شريف چيو ته سڪيورٽي فورسز ملڪ مان دهشتگردي جي مڪمل خاتمي لاءِ پرعزم آهن۔
ترقياتي منصوبا
حڪومت پيٽروليم مصنوعات جي قيمتن ۾ گهٽتائي نه ڪندي، رقم بلوچستان جي اين-25 شاهراهه تي لڳائي رهي آهي، جنهن تي 400 ارب رپيا خرچ ٿيندا ۽ هڪ سال ۾ مڪمل ٿيندو.
بلوچستان ۾ ڪسان سولر سسٽم استعمال ڪري رهيا آهن، جڏهن ته هن سال 7 دانش اسڪول قائم ڪيا ويندا۔
وزيراعظم ٻڌايو ته پرائم منسٽر پروگرام تحت هڪ لک ليپ ٽاپس ورهايا پيا وڃن ۽ هزارين شاگردن کي وظيفا ڏنا پيا وڃن۔
معيشت ۽ خوشحالي
شهباز شريف چيو ته ملڪ ۾ معاشي استحڪام اچي ويو آهي، هاڻي ترقياتي قدمن سان پاڪستان وڌيڪ خوشحالي ۽ ترقي جي راهه تي گامزن ٿيندو۔
