لاهور (ويب ڊيسڪ) معروف اينڪر اقرارالحسن نئين سياسي پارٽي ٺاهڻ ۽ نالي جو اعلان ڪري ڇڏيو۔
لاهور پريس ڪلب ۾ پريس ڪانفرنس دوران اقرارالحسن پنهنجي نئين سياسي جماعت جو نالو “پاڪستان عوام راج تحريڪ” رکڻ جو اعلان ڪيو۔
اقرارالحسن چيو: “مان ڪڏهن به ڪو سياسي، پارٽي عهدي يا سرڪاري پوزيشن نه وٺندس.” هن وڌيڪ چيو ته هو الله ۽ نبي پاڪ ﷺ کي گواهه بڻائي ٿو ته هو ڪنهن به پارٽي يا سرڪاري سطح تي عهدي جو خواهشمند نه هوندو۔
اقرارالحسن جو چوڻ هو ته کيس اميد آهي ته سندن جماعت پاڪستان ۾ نئين سياسي تبديلي آڻيندي ۽ روايتي سياست جي رواج کي ٽوڙي عوام لاءِ اميد بڻجندي۔
هن وڌيڪ اعلان ڪيو ته هو ڪنهن ٻي يا پنهنجي جماعت مان ڪو به ذاتي فائدو حاصل نه ڪندو ۽ جماعت جون سرگرميون جلد ئي ملڪ ڀر ۾ شروع ڪيون وينديون۔
اينڪر کان سياستدان بڻجندڙ اقرارالحسن چيو ته سندن جماعت هڪ جمهوري پليٽ فارم آهي، جنهن جا مالڪ پاڪستان جا عوام آهن، ۽ ٻين جماعتن جيان ڪو خاندان يا شخصيت ان جو وارث نه هوندو۔
