بنڪاڪ (اسپورٽس ڊيسڪ) ٿائيلينڊ ۾ جاري ساف فٽبال چيمپئن شپ ۾ پاڪستان جي مينز ٽيم پنهنجي ٻئي ميچ ۾ شاندار ڪارڪردگي ڏيکاري ڀوٽان کي 2-4 تان شڪست ڏئي تاريخي فتح حاصل ڪئي.
انڊوور اسٽيڊيم ۾ کيڏيل مقابلي جي شروعات ۾ پاڪستان کي 0-2 جي خساري جو منهن ڏسڻو پيو، پر ٽيم شاندار واپسي ڪندي مقابلو پنهنجي نالي ڪيو. عدنان اشفاق صرف هڪ منٽ جي اندر ٻه گول ڪري ٽيم جي ڪاميابي ۾ اهم ڪردار ادا ڪيو، جڏهن ته ڪپتان حسن ظفر خان ۽ آصف احمد چوڌري هڪ هڪ گول اسڪور ڪيو.
هي پاڪستان جي پهرين بين الاقوامي فٽبال فتح آهي. ياد رهي ته پاڪستان کي پهرين ميچ ۾ مالديپ خلاف 1-7 تان شڪست ملي هئي.
گذريل ڏينهن پاڪستان ويمنز ٽيم به سري لنڪا کي شڪست ڏئي پنهنجي پهرين عالمي فٽبال ڪاميابي حاصل ڪئي هئي، جنهن کان پوءِ هاڻي مينز ٽيم به ملڪ لاءِ تاريخي لمحو رقم ڪيو آهي.
