ڪراچي (ويب ڊيسڪ) ڪراچي جي ايم اي جناح روڊ تي واقع گل پلازہ ۾ لڳل باهه جي واقعي جي هڪ ٻي وڊيو منظرِ عام تي اچي وئي آهي، جيڪا حادثي جي وقت هنياءُ ڏاريندڙ صورتحال نظر اچي رهي آهي.
موبائل فوٽيچ ۾ صاف ڏسي سگهجي ٿو ته گل پلازہ جي اندر هر طرف رڳو دونهون ئي دونهون آهي، جتي هڪ عورت دونهن ۾ ڦاٿل خوفزده حالت ۾ مدد لاءِ رڙيون ڪري رهي آهي. وڊيو ۾ عورت جي آواز ٻڌڻ ۾ اچي ٿو، جنهن ۾ هوءَ پڪار ڪندي چوي ٿي: “ڀائي، ڪٿان نڪرڻو آهي؟ ڪٿي وڃڻو آهي؟”
فوٽيچ موجب هڪ شخص عورت کي محفوظ رستو ڏيکارڻ جي ڪوشش ڪندو رهيو ۽ بار بار چوندو رهيو ته “اوھان هتان نه وڃو”، پر دونهن جي شدت سبب صورتحال انتهائي ڳڻتي جوڳي نظر اچي رهي هئي.
منظرِ عام تي آيل وڊيو ۾ گل پلازہ جي اندر هر طرف رڳو دونهون ئي دونهون نظر اچي ٿو، جيڪو باهه جي خوفناڪ منظرن کي وڌيڪ اجاگر ڪري ٿو.
