اسٽيٽ بينڪ پاران سود جي شرح برقرار رکڻ ۽ نقد رقوم جي شرح گهٽائڻ جو اعلان
ڪراچي(ويب ڊيسڪ) اسٽيٽ بينڪ آف پاڪستان مانيٽري پاليسي ڪميٽي جو اجلاس گذريل ڏينهن ٿيو، جنهن ۾ شرح سود ساڍا 10 سيڪڙو تي برقرار رکڻ جو فيصلو ڪيو ويو. گورنر اسٽيٽ بينڪ جمیل احمد مطابق بينڪن جي نقد رقوم جمع ڪرائڻ جي شرح 6 سيڪڙو کان گهٽائي 5 سيڪڙو مقرر ڪئي وئي آهي.
مانيٽري پاليسي ڪميٽي مطابق دسمبر 2025 ۾ مهانگائي 5.6 سيڪڙو ۽ بنيادي مهانگائي 7.4 سيڪڙو تي مستحڪم رهي. معاشي نمو جي رفتار توقع کان تيز رهي جڏهن ته درآمدات ۾ واڌ سبب تجارتي خسارو وڌو، پر ڪرنٽ اڪائونٽ خسارو قابو ۾ رهيو. زرمبادلہ جا ذخيرا 16.1 ارب ڊالر تائين پهچي ويا آهن ۽ جون 2026 تائين 18 ارب ڊالر کان وڌيڪ ٿيڻ جو امڪان آهي.
رواں مالي سال دوران نجی شعبن جي قرضن ۾ نمايان واڌ 578 ارب رپيا ٿي، جڏهن ته پهرين ششماهي ۾ مجموعي خسارو 1.2 ارب ڊالر رڪارڊ ٿيو. درآمدات ۾ اضافو ۽ برآمدات ۾ گهٽتائي خساري جا بنيادي سبب هئا، جڏهن ته ترسيل زر ۽ آئي سي ٽي برآمدات خسارو قابو ۾ رکڻ ۾ مددگار ثابت ٿيون.
مالي سال جي پهرين ششماهي ۾ جي ڊي پي نمو 3.7٪ رهي، گذريل سال جي ساڳئي مدت ۾ 1.6 سيڪڙو هئي. آٽو سيلز، سيمنٽ، پي او ايل مصنوعات، ٻج ۽ مشينري جي درآمدن سان معاشي رفتار برقرار رهي. ڪڻڪ جي فصل لاءِ صورتحال حوصلا افزا آهي، جنهن سبب مالي سال ٻه هزار 25 ۽ 26 ۾ معيشت جي نمو 3.75٪ کان 4.75 سيڪڙو جي وچ ۾ رهڻ جو امڪان آهي
