100 کان وڌيڪ صحافيءَ کي ايڪريڊٽيشن نه ڏيڻ سان بنگلاديش ۽ آءِ سي سي جي وچ ۾ تڪرار وڌي ويو
ڊھاڪـا، بنگلاديش – ويب ڊيسڪ: آءِ سي سي (انٽرنيشنل ڪرڪيٽ ڪائونسل) بنگلاديشي صحافين کي ٽي ٽوئنٽي ورلڊ ڪپ جي ڪوريج کان روڪي ڇڏيو آهي، جنهن سبب تقريباً 100 کان وڌيڪ صحافيءَ کي ايڪريڊٽيشن ڏيڻ کان انڪار ڪيو ويو آهي.
ذريعن موجب، بنگلاديشي صحافي نه ئي هندستان ۽ نه ئي سري لنڪا وڃي سگهن، جتي ٽورنامنٽ جا ميچز ٿي رهيا آهن. بنگلاديش جي سينئر صحافيءَ چيو ته ايسوسيئيٽ ميمبر ملڪن جي صحافين کي پڻ هڪريڊٽيشن ملي ٿي، پر بنگلاديش سان دوئي معيار لاڳو ڪيو ويو آهي.
بنگلاديش ڪرڪيٽ بورڊ جي ميڊيا ڪميٽي جي چيئرمين امزاد حسين تصديق ڪئي ته 130 کان 150 صحافين ايڪريڊٽيشن لاءِ درخواستون ڏنيون هيون، جيڪي سڀ مسترد ڪيون ويون.
واضح رهي ته سڪيورٽي سبب بنگلاديش هندستان وڃڻ کان انڪار ڪيو هو ۽ پنهنجا ميچ سري لنڪا ۾ ڪرائڻ جي درخواست ڪئي، پر آءِ سي سي ان کي رد ڪندي اسڪٽ لينڊ کي ٽورنامنٽ ۾ شامل ڪري ڇڏيو.
بنگلاديشي صحافين جون تنظيمون جلد ايندڙ حڪمت عملي جو اعلان ڪنديون.
