لاهور (ويب ڊيسڪ) پنجاب، خاص طور تي لاهور ۾ بسنت دوران موسم بابت صوبي جي ڊيزاسٽر مينيجمينٽ اٿارٽي (پي ڊي ايم اي) اڳڪٿي جاري ڪئي آهي.
پي ڊي ايم اي موجب بسنت جي ڏينهن ۾ لاهور ۽ ان جي ڀرپاسي ۾ موسم خوشگوار رهڻ جو امڪان آهي. 6 کان 8 فيبروري دوران شهر ۾ موسم خشڪ رهندو، جڏهن ته آسمان جزوي طور جڙالو رهڻ جو امڪان آهي. ان عرصي ۾ لاهور جو گرمي پد 20 کان 22 ڊگري سينٽي گريڊ جي وچ ۾ رهڻ جو امڪان ظاهر ڪيو ويو آهي.
ٻئي طرف، پي ڊي ايم اي ٻڌايو آهي ته اترين علائقن ۾ برسات ۽ جبلن تي برفباري جي اڳڪٿي ڪئي وئي آهي، جنهن سبب مٿان هين علائقن ۾ سيءَ جي شدت وڌڻ جو امڪان آهي. ان سلسلي ۾ شهرين کي محتاط رهڻ جي هدايت ڪئي وئي آهي.
اداري بسنت دوران حفاظتي تدبيرون اختيار ڪرڻ تي زور ڏنو آهي، خاص طور تي پتنگ بازي وقت بجلي جي تارن ۽ ڇتين کان پري رهڻ جي هدايت ڪئي آهي. اعلاميي ۾ واضع ڪيو ويو آهي ته ڌاتي ڊور، ڪيميڪل ڊور ۽ غير قانوني سامان جي استعمال کان مڪمل پرهيز ڪيو وڃي، جڏهن ته موٽر سائيڪل سوارن کي حفاظتي هيڊميٽ ۽ ڳچيءَ جو حفاظتي ڪور استعمال ڪرڻ لازمي قرار ڏنو ويو آهي.
