ممبئي (شوبز نيوز) ڀارت جي رياست اوڙيسا جي مشهور گلوڪاره گيتا پٽنائڪ برين اسٽروڪ سبب 73 ورهين جي ڄمار ۾ ديهانت ڪري وئي. ڀارتي ميڊيا رپورٽن موجب، اوڙيا موسيقي جي صنعت جي نمايان آواز طور سڃاتي ويندڙ گيتا پٽنائڪ گذريل هفتي برين اسٽروڪ کان پوءِ اسپتال ۾ علاج هيٺ هئي ۽ گذريل ڏينهن دوران علاج ديهانت ڪري وئي.
خميس جي ڏينهن تقريب دوران سندن طبيعت خراب ٿي هئي، جنهن کان پوءِ کيس ڪٽڪ جي ڪئپيٽل اسپتال منتقل ڪيو ويو جتي برين اسٽروڪ جي تصديق ٿي. بعد ۾ کين هڪ نجي اسپتال ۾ منتقل ڪيو ويو، جتي ڊاڪٽرن آچر جي ڏينهن کين دماغي طور مئل قرار ڏنو. سندن مڙهه سومر ڏينهن ڪٽڪ ۾ گهر منتقل ڪيو ويو جتي آخري ادا ڪيون وينديون.
فني ڪيريئر
گيتا پٽنائڪ جو فني سفر پنج ڏهاڪن تي پکڙيل رهيو. هن ڪيترن ئي فنڪارن ۽ موسيقارن سان گڏ ڪم ڪيو، پر خاص طور تي ليجنڊري اوڙيا گلوڪار اڪشيا موهنتي سان گڏ ڳيل گيتن سبب وڏي شهرت حاصل ڪئي. فلم ججبَر جو مقبول گيت “فُر ڪِنا اُڊيگالا باني” سميت ڪيترائي اوڙيا گيت سندن آواز ۾ رڪارڊ ٿيا، جيڪي اڄ به موسيقي جي دنيا ۾ يادگار آهن.
