ڪراچي: امريڪا، اسرائيل ۽ ايران جي جاري جنگ جي اثرن سبب پيٽرول کان پوءِ هاڻي ايل پي جي جي قيمتن ۾ به وڏو اضافو ڏٺو ويو آهي.
مارڪيٽنگ ايسوسيئيشن جي اڳواڻ علي حيدر موجب، ايل پي جي جي پرچون قيمت 250 رپيا في ڪلو کان وڌي 320 کان 350 رپيا في ڪلو تائين پهچي وئي آهي. ايسوسيئيشن جو چوڻ آهي ته ايران جنگ کان پوءِ ايل پي جي جي سپلائي گهٽجي وئي آهي ۽ قيمتن ۾ مسلسل واڌ جاري آهي.
مارڪيٽنگ ايسوسيئيشن حڪومت کي اپيل ڪئي آهي ته روس يا عمان مان ايل پي جي جو بندوبست ڪيو وڃي، جيئن مارڪيٽ ۾ قيمتن کي ڪنٽرول ڪري سگهجي.

