اسلام آباد(مانيٽرنگ نيب اڳوڻي وزيراعظم نواز شريف خلاف العزيزيا ريفرنس ۽ فليگ شپ ريفرنس جي فيصلي کي اسلام آباد هاءِ ڪورٽ ۾ چئلينج ڪري ڇڏيو آهي. نجي ٽي وي مطابق نيب ن ليگي اڳواڻ نواز شريف خلاف فليگ شپ ريفرنس ۾ احتساب عدالت پاران ڏنل فيصلي کي چئلينج ڪرڻ جو فيصلو ڪيو هو ۽ هاڻي نيب العزيزيا ريفرنس جي فيصلي کي به چئلينج ڪرڻ جو فيصلو ڪندي ٻنهي ريفرنسز خلاف اپيلون داخل ڪري ڇڏيون آهن. نيب ترجمان مطابق فليگ شپ ريفرنس ۾ نواز شريف جي بريت واري فيصلي کي چئلينج ڪيو ويو آهي، جڏهن ته العزيزيا ريفرنس ۾ نواز شريف جي سزا وڌائڻ لاءِ اپيل داخل ڪئي وئي آهي، ٻنهي ريفرنسز تي اسلام آباد هاءِ ڪورٽ ۾ درخواستون جمع ڪرايون ويون آهن. نيب ترجمان مطابق العزيزيا ريفرنس بابت داخل درخواست ۾ موقف اختيار ڪيو ويو آهي ته نواز شريف خلاف ڏوهه ثابت ٿي چڪو آهي، انڪري کيس ڏني ويندڙ 7 سال قيد واري سزا گهٽ آهي، اها وڌائي وڃي ڇاڪاڻ ته نيب آرڊيننس ۾ قلم 9 اي 5 ۾ سزا 14 سال قيد آهي، جڏهن ته فليگ شپ ريفرنس ۾ نواز شريف خلاف ڪرپشن جا ٺوس ثبوت پيش ڪيا ويا آهن، ان ڪري کيس بري ڪرڻ واري فيصلي کي ڪالعدم قرار ڏنو وڃي.
نيب نواز شريف خلاف ٻنهي ريفرنسز جي فيصلي کي چئلينج ڪري ڇڏيو
Subscribe
By commenting on this post, you agree to the Terms of Service. This is a written agreement that can be withdrawn when you express your consent to interact with any part of this site.
