ڪراچي (ويب ڊيسڪ) ڀارتي وزيراعظم نريندر مودي پھلگام فالس فليگ جي انٽيليجنس ناڪامين ۽ آپريشن سنڌور جي ناڪامين تي کوکلن دعوائن ذريعي پردو وجھڻ ۾ مصروف آھي.
هندو انتھا پسند پارٽي جي ڪَٺ پُتلي ڀارتي مودي سرڪار جعلي فتح کي ڪوڙ جي مشهوري ذريعي ڀارتي عوام کي گمراھ ڪرڻ ۾ مصروف آھي جڏھن تھ فوجي طاقت جو کوکلو بيانيو مودي جي سياسي ھوَس ۽ خِطي ۾ انتشار پکيڙڻ جي ھڪ سوچي سمجھي سازش آھي، مودي جي جعلي فتح جي داستان اصل ۾ هندستاني فوج جي شڪست ۽ ڪمزوري جو واضح اعتراف آهي.
هندستاني وزيراعظم نريندر مودي دعويٰ ڪئي آهي ته سڄو ملڪ آپريشن سنڌور ۾ هندستاني فوج تي فخر ڪري ٿو ۽ هندستان ۾ ٺهيل هٿيارن هڪ اهم ڪردار ادا ڪيو. حقيقت اها آهي ته مودي هندستاني جنگي صلاحيت جي ڪمزوري کي لڪائڻ لاءِ هندستان ۾ ٺهيل هٿيارن جي ڪوڙي دعوائن تائين محدود آهي.
آپريشن سنڌور ۾ ٿيندڙ نُقصانن بابت عوام کي آگاهي ڏيڻ بدران، مودي سرڪار ڪوڙ ۽ پروپيگنڊا پکيڙڻ ۾ مصروف آهي. مودي فوجي ناڪامي کي پنهنجي سياست جو هٿيار، ڪوڙي پروپيگنڊا ۽ چونڊ مهم جو ايندھن بڻايو آهي.
آپريشن سنڌور جي ناڪامين هندستاني فوجي طاقت جي سڀني ڪُوڙين دعوائن کي دنيا آڏو بي نقاب ڪري ڇڏيو آهي. حق جي جنگ ۾ پاڪستاني فوج جي تاريخي فتح هندستان جي فوجي برتري جي غُرور کي مٽيءَ ۾ ملائي ڇڏيو آهي.
