سکر: فصلن جي نقصان جي ڪري بدترين تشدد جو شڪار اٺ کي علاج لاءِ ڪراچي موڪليو ويو آهي. چيئرمين ضلعي ڪائونسل موجب، ابتدائي علاج کان پوءِ اُٺ کي فوري طور تي ڪراچي موڪليو ويو آهي.
ڪالهه، هڪ بااثر وڏيري سکر جي صالح پٽ تعلقي جي فصل ۾ داخل ٿيڻ ۽ پاڻي پيئڻ تي الزام اُٺ جي ٽنگ ڀڃي ڇڏي ھئي.
اُٺ جي مالڪ موجب، وڏيري ڪاوڙ ۾ اُٺ کي ٽريڪٽر سان ڳنڍيو ۽ ان کي ڇڪيو ۽ ان جي منهن تي لٺيون به هنيون جنهن کان پوءِ زخمي اُٺ کي علاج لاءِ اسپتال پهچايو ويو، پر ڊاڪٽرن انڪار ڪيو بعد ۾، سنڌ جي وڏي وزير مراد علي شاهه پاران واقعي جو نوٽيس وٺڻ کان پوءِ پوليس اُٺ جي مالڪ جي شڪايت تي ڪيس داخل ڪيو.
پوليس چيو ته ڪيس ۾ نامزد ٽن جوابدارن مان هڪ کي گرفتار ڪيو ويو آهي، جڏهن ته ٻين ٻن جوابدارن جي گرفتار ڪرڻ لاءِ ڇاپا هنيا پيا وڃن.
