ڪراچي (ويب ڊيسڪ) رواں سال 2025 دوران ڪراچي جي مختلف علائقن ۾ ٽريفڪ حادثن سبب 731 ڄڻا حياتي وڃائي ويٺا، جڏهن ته 10,628 ماڻهو زخمي ٿيا آهن.
چهيپا ذريعن موجب فوت ٿيلن ۾ 567 مرد، 72 عورتون ۽ 92 ٻار شامل آهن.
حادثن جو وڏو سبب هيوي گاڏين جي ٽڪر آهي، جن ۾ ڊمپر، ٽريلر ۽ واٽر ٽينڪر شامل آهن.
308 ڏينهن دوران 217 ڄڻا هيوي گاڏين جي ٽڪر سبب فوت ٿيا، جن مان 40 ڊمپر، 81 ٽريلر ۽ 49 واٽر ٽينڪر جي ٽڪر سبب مارجي ويا.
زخمين ۾ 8,308 مرد، 1,661 عورتون ۽ 505 ٻار شامل آهن، جن کي مختلف اسپتالن ۾ علاج جي سهولت فراهم ڪئي پئي وڃي.
