گھوٽڪي (ڊ ر) ميرپور ماٿيلو ۾ ٻوڏ متاثرن لاءِ آيل سامان پرائيويٽ گاڏين ذريعي من پسند ماڻهن جي بنگلن تي پھچائڻ جو انڪشاف وڊيو سوشل ميڊيا تي وائرل.
ٻوڏ متاثرن کي ھن وقت تائين ڪوبه رليف نه ملي سگھيو ڪچي جا ٻوڏ متاثر بي يارو مددگار بڻيل ٻوڏ متاثرن کي ھن وقت تائين ڪوبه رليف فراهم نه ڪيو ويو آهي ڪچي واسين جون ميڊيا آڏو دانھون تفصيل موجب سنڌ سرڪار ۽ مختلف اين جي اوز پاران سکر ڊويزن جي ٻوڏ متاثرن لاء ايل ڪروڙين روپين جي سامان جو ٻه ھفتا گذرڻ باوجود ڪو ڏس پتو نه پئجي سگهيو آهي ان سلسلي ۾ گزريل ڏينهن ٻوڏ متاثرن لاء ايل ٽينٽ سوڙ ، ڪمبل ۽ ٻي سامان سان ڀريل پرائيويٽ گاڏي جي شھرين پاران رستا روڪ ڪرڻ جي ڪوشش ڪئي ته ڊرائيور ڪو ڏس پتو ٻڌائڻ بجاء ھليو ويو.
اھڙي قسم جي وڊيو سوشل ميڊيا تي وائرل ٿيڻ بعد ڪچي جي رھواسين ميڊيا سان ڳالهائيندي الزام ھنيو آھي آهي ته ظلم جي حد آھي جو ٻوڏ متاثرن لاء ايل ڪروڙين روپين جو سامان من پسند ماڻهن جي بنگلن تي پرائيويٽ گاڏين وسيلي پھچائڻ سان گڏ و گڏ ٻوڏ متاثرن لاء ايل سامان ٻين شھرن جي دوڪاندارن کي وڪرو ڪرڻ جو سلسلو جاري آهي اسان کي ھن وقت تائين ڪوبه ٽينٽ مڇر دانيون ڪمبل يا راشن سميت ڪنھن به قسم جو رليف فراهم نه ملي سگھيو آھي ھنن چيو ته جڏھن به ٻوڏ متاثرن لاء سامان آيو آهي ته ان ڏينهن کان سامان جي رکوالي تي مقرر ڊي سي آفيس جا ملازم سامان مال غنيمت سمجھي من پسند ماڻهن کي گاڏين جون گاڏيون ڀري پھچائي رھيا آھن جيڪو ٻوڏ متاثرن سان ظلم آھي ھنن ڊپٽي ڪمشنر گھوٽڪي ڪمشنر سکر ڊويزن کان مطالبو ڪندي گھر ڪئي آهي ته ٻوڏ متاثرن لاء ايل سامان جي جاچ ڪرائي وڃي ته اھو سامان ڪنھن کي مليو به آھي يا وڪرو ٿي ويو آهي
