پشاور: (ويب ڊيسڪ) پشاور هاءِ ڪورٽ اليڪشن ڪميشن کي خيبرپختونخواهه جي وڏي وزير علي امين گنڊاپور خلاف ڪارروائي ڪرڻ کان روڪي ڇڏيو.
پشاور هاءِ ڪورٽ جي جسٽس سيد ارشد علي ۽ جسٽس محمد فهيم ولي اليڪشن ڪميشن جي نوٽيس خلاف خيبرپختونخواهه جي وڏي وزير علي امين گنڊاپور جي درخواست تي ٻڌڻي ڪئي. ٻڌڻي دوران جسٽس سيد ارشد علي پڇيو ته اليڪشن ڪميشن 90 ڏينهن کانپوءِ ڪيئن ڪارروائي ڪري سگهي ٿو؟
اليڪشن ڪميشن جي ڊپٽي ڊائريڪٽر لا جواب ڏنو ته سپريم ڪورٽ جو فيصلو موجود آهي، ڪرپٽ طريقن خلاف ڪارروائي ڪري سگهجي ٿي، ان ۾ ڪا به وقت جي حد ناهي.جنهن کان پوءِ عدالت اليڪشن ڪميشن کي نوٽيس جاري ڪندي 14 ڏينهن اندر جواب طلب ڪيو.
