تل ابيب/غزہ(ويب ڊيسڪ) عرب ۽ اسرائيلي ميڊيا جي تازين رپورٽن ۾ انڪشاف ٿيو آھي تھ اسرائيل غزہ لاءِ امدادي سامان کڻي ويندڙ “گلوبل صمود فلوٽيلا” کي روڪڻ لاءِ ڪنھن ڪجھھ ٻيڙين کي سمندر ۾ ٻوڙڻ جو منصوبو تيار ڪيو هو.
رپورٽن موجب، جڏهن فلوٽيلا هڪ انتھائي خطري واري علائقي ۾ داخل ٿي، ته اسرائيلي بحري جهازن ان جو گهيرو ڪري ٻه ڪليدي ٻيڙين جا ڪميونيڪيشن سسٽم جام ڪري ڇڏيا. عرب ميڊيا انهن قدمن کي امداد غزہ پهچڻ کان روڪڻ جي ڪوشش قرار ڏني آهي.
گڏيل قومن جي فلسطين لاءِ خاص نمائندي فرانسسڪا الٻانيز ان فيصلي تي سخت ردعمل ڏنو ۽ چيو تھ “اهڙي ڪارروائي نسل ڪشي جي سازش برابر آهي.”
ڪولمبيا جي صدر گسٽاوو پيٽرو پڻ خبردار ڪيو تھ پُرامن امدادي مشن تي حملو بين الاقوامي قانون جي ڀڃڪڙي ۽ انسانيت خلاف ڏوھ شمار ٿيندو.
انڪشافن بعد دنيا ۾ ميڊيا ۽ سياسي ميدان تي تنقيد جا طوفان اڀري چڪا آهن ۽ اسرائيل تي زور وڌي رهيو آهي تھ هو فوري طور امدادي ٻيڙين کي ڇڏي ۽ علائقي ۾ انساني مدد کي روڪڻ جا قدم واپس کڻي.
مبصرين جو چوڻ آهي تھ هي واقعو اوسط خيالي سرحدي تنگي کان وڌي عالمي امن ۽ قانوني ذميوارين تي سوال اڇلي ٿو، ۽ مستقبل ۾ آزاد سمندري رستن تي مدد جي پهچ کي يقيني بڻائڻ لاءِ نئين عالمي معاهدن جي ضرورت واضع ڪري ٿو.
