ممبئي (شوبز نيوز) بالي ووڊ اداڪار اڪشي ڪمار سائبر ڪرائم جي وڌندڙ خطرن بابت سخت ڳڻتي جو اظهار ڪندي هڪ ذاتي واقعي کي سوشل ميڊيا تي شيئر ڪيو. هن ٻڌايو ته ڪجهه مهينا اڳ آن لائن وڊيو گيم دوران هڪ اڻڄاتل ماڻهو سندس ڌيءَ کي نازيبا تصويرون موڪلڻ لاءِ ڌمڪايو.
اڪشي ڪمار ممبئي ۾ “سائبر آگاهي مهينو 2025” جي افتتاحي تقريب دوران ان واقعي جو ذڪر ڪيو. هن چيو ته سندس ڌيءَ فوري طور تي پنهنجي ماءُ ٽوئنڪل کنا کي اطلاع ڏني ۽ گيم بند ڪري ڇڏي، پر ان واقعي مان پوري خاندان کي سخت سبق مليو.
ااداڪار مهاراشٽر جي وڏي وزير کان اپيل ڪئي ته هفتي ۾ هڪ سائبر سيڪيورٽي جو سبق لازمي قرار ڏنو وڃي ته جيئن شاگردن کي ڊجيٽل دنيا جي خطرن کان بچاءُ جا طريقا سيکاري سگهجن.
