اسلام آباد (ويب ڊيسڪ) وفاقي وزير خزانه محمد اورنگزيب عالمي مالياتي ادارن جي سالياني اجلاسن ۾ شرڪت لاءِ ڇهن ڏينهن جي دوري تي آمريڪا روانو ٿي ويو. دورو دوران هو آءِ ايم ايف، ورلڊ بينڪ، انٽرنيشنل فنانس ڪارپوريشن (IFC) ۽ ملٽي ليٽرل انويسٽمينٽ گارنٽي ايجنسي (MIGA) جي سربراهن سان ملاقاتون ڪندو.
وزير خزانه جي ورلڊ بينڪ جي صدر اجے بنگا سان بالمشافه ملاقات طئي آهي، جڏهن ته هو اجے بنگا جي دعوت تي عالمي وزرائے خزانه جي اعزاز ۾ ڏنل عشائيي ۾ به شرڪت ڪندو.
محمد اورنگزيب G24 ۽ MENAP ملڪن جي پليٽفارم تي آءِ ايم ايف جي منيجنگ ڊائريڪٽر کرسٽلينا جارجيوا سان ملاقات ڪندو، جتي هو اهم خطاب به ڪندو. هو ورلڊ بينڪ جي ميزباني هيٺ ايف بي آر جي ڊجيٽل تبديلي بابت علاقائي رائونڊ ٽيبل ۾ شرڪت ڪندو.
دوري دوران وزير خزانه ورلڊ اڪنامڪ فورم جي ٻن اهم پروگرامز ۾ شرڪت، چين، سعودي عرب، ترڪيه، آذربائيجان ۽ برطانيه جي وزرائے خزانه سان ملاقاتون، وائٽ هائوس، آمريڪي خزاني جي کاتي، اسٽيٽ ڊپارٽمينٽ، ڪانگريس جي فنانشل سروسز ڪميٽي ۽ يو ايس پاڪستان بزنس ڪائونسل جي عهديدارن سان ملاقاتون ڪندو.
هو عالمي ريٽنگ ايجنسين، بين الاقوامي بينڪن، خاص طور تي مشرقِ وسطىٰ جي سرمايه ڪار بينڪن سان به ملاقاتون ڪندو، جڏهن ته اٽلانٽڪ ڪائونسل ۽ پيٽرسن انسٽيٽيوٽ آف انٽرنيشنل اڪنامڪس جو دورو ڪري مختلف فورمز ۽ سيمينارز ۾ پاڪستان جي معاشي امڪانن تي روشني وجهندو.
وزير خزانه جي دوري دوران 65 کان وڌيڪ اجلاس، ملاقاتون ۽ ايونٽس طئي ٿيل آهن، جن ۾ پاڪستاني ڪميونٽي جي اڳواڻن سان ملاقاتون ۽ بين الاقوامي ميڊيا کي انٽرويوز ڏيڻ شامل آهن.
