اسلام آباد (ويب ڊيسڪ) تحريڪ انصاف جي اڳواڻ سلمان اڪرم راجا چيو آهي ته گذريل ڏينهن جي پريس ڪانفرنس جو لفظ به لفظ جواب ڏيڻ ممڪن ناهي، ڇو ته استعمال ٿيل لفظن سان نقصان جو خطرو آهي. هن واضح ڪيو ته “اسان مقابلو ڪرڻ نٿا چاهيون، پر وضاحت ضروري آهي.”
سلمان اڪرم راجا جو چوڻ هو ته “اسان هر ان طاقت جي مخالفت ڪريون ٿا جيڪا پاڪستان جي خلاف آهي، صرف فوجي طاقت سان دهشتگردي ختم نٿي ڪري سگهجي، باني پي ٽي آءِ به ساڳيو موقف اختيار ڪري چڪو آهي. هن بلوچستان ۽ خيبرپختونخوا جي صورتحال کي “لهو لهان” قرار ڏنو.
هن چيو ته “دهشتگردي جو الزام ڪنهن هڪ جماعت تي نٿو لڳائي سگهجي، اسان تيراه جي شهيدن سان گڏ آهيون. پي ٽي آءِ جي دور ۾ دهشتگردي گهٽ ٿي، جيتوڻيڪ اشرف غني جي حڪومت سان لاڳاپا هئا، پر خيبرپختونخوا ۾ امن وڌيڪ هو.“
