اسلام آباد: پاڪستان ڀارت سان لڳندڙ پنهنجي هوائي حدن کي 28 ۽ 29 آڪٽوبر تي صبح 6 وڳي کان 9 وڳي تائين بند رکڻ جو فيصلو ڪري ڇڏيو آهي.
پاڪستان ايئرپورٽ اٿارٽي پاران جاري ڪيل نوٽم موجب، ٻنهي ڏينهن تي مخصوص هوائي رستن تي ڪمرشل اُڏامن لاءِ پابندي هوندي، خاص طور تي ڪراچي ۽ لاهور فلائٽ ريجنز ۾.
نوٽم ۾ ايئرلائينز ۽ ايويئيشن ڪمپنين کي احتياط جي هدايت ڪئي وئي آهي.
ذريعن موجب، هي قدم ڀارتي سرحد ويجهو امڪاني فوجي مشقن کي نظر ۾ رکندي کنيو ويو آهي، جتي ڀارت پاران وڏي پيماني تي ٽنهي هٿياربند فوجن جي مشق “ترشول 2025” جي تياري ڪئي پئي وڃي.
