ڪراچي (ويب ڊيسڪ) جمعيت علماءِ اسلام (جي يو آءِ) مقامي حڪومتن کي آئيني تحفظ ڏيڻ بابت ايم ڪيو ايم جي تجويز تي حمايت کان انڪار ڪري ڇڏيو آهي. ذريعن موجب، آرٽيڪل 140-اَي سان لاڳاپيل آئيني ترميم تي ايم ڪيو ايم کي جي يو آءِ جي مدد حاصل نه ٿي سگهي.
جي يو آءِ جو موقف آهي ته آرٽيڪل 140-اَي بابت ترميم کي 27هين آئيني ترميم کان الڳ ڪيو وڃي. جيڪڏهن ايم ڪيو ايم ان بابت الڳ آئيني ترميم آڻي ٿي ته جے يو آءِ ان جي حمايت لاءِ تيار آهي. جماعت جو چوڻ آهي ته هو بااختيار مقامي حڪومتن ۽ بلدياتي ادارن جي آئيني تحفظ جي مخالفت نٿا ڪن.
ٻئي پاسي، پاڪستان پيپلز پارٽي جو موقف آهي ته حڪومت طرفان موصول ٿيل ڊرافٽ ۾ آرٽيڪل 140-اَي جي ڪا شق شامل ناهي، البت وزيراعظم ايم ڪيو ايم کي ان بابت ترميم جي يقيندهي ڪرائي آهي.
ان سلسلي ۾، جي يو آءِ جي سربراهه مولانا فضل الرحمان اڄ ڪراچي جو دورو ڪندا، جتي هو پيپلز پارٽي جي چيئرمين بلاول ڀٽو زرداري سان ملاقات ڪندا. ملاقات دوران 27هين آئيني ترميم تي تفصيلي مشاورت جو امڪان آهي.
