اسلام آباد(ويب ڊيسڪ) اليڪشن ٽربيونل اين اي-251 (ژوب/قلعھ سيف الله/شراني) مان جمعيت علما اسلام (ف) جي اميدوار سيد سميع الله جي ڪاميابي جو نوٽيفڪيشن رد ڪري آهي.
جسٽس محمد عامر نواز رانا جي سربراهي ۾ قائم ٽربيونل اليڪشن ڪميشن کي هدايت ڪئي ته سيد سميع الله جي ڪاميابي جو نوٽيفڪيشن رد ڪيو وڃي ۽ حلقي جي 22 تڪراري پولنگ اسٽيشنن تي ٻيهر پولنگ ڪرائي وڃي۔
پشتونخوا نيشنل عوامي پارٽي جي سربراهه خوشحال ڪاڪڙ پنهنجي درخواست ۾ عام چونڊن 2024 دوران سنگين بي ضابطگين ۽ جعلي ووٽن جا الزام لڳايا هئا ۽ مطالبو ڪيو هو ته جي يو آئي(ف) جي اميدوار کي ڊي سيٽ ڪري کيس ڪامياب قرار ڏنو وڃي.
ٽربيونل ڪيس جي ٻڌڻي کان پوءِ اميدوار کي نااهل قرار ڏيڻ بدران 22 تڪراري پولنگ اسٽيشنن تي ٻيهر پولنگ جو حڪم ڏنو، جنهن سان تڪ ۾ سياسي صورتحال نئون رخ اختيار ڪري وئي آهي۔
