لاهور(ويب ڊيسڪ) لاهور هاءِ ڪورٽ جي ڊويزن بئنچ اڳوڻي وفاقي گهرو وزير شيخ رشيد احمد کي عمره تي وڃڻ جي اجازت بابت سنگل بئنچ جو حڪم معطل ڪري ڇڏيو۔
تفصيل موجب ايف آءِ اي ۽ پاسپورٽ اميگريشن اختيارين شيخ رشيد کي عمره جي اجازت ڏيڻ خلاف پٽيشن داخل ڪئي هئي۔ ڊويزن بئنچ انٽرا ڪورٽ اپيل ٻڌڻي لاءِ منظور ڪندي شيخ رشيد کي نوٽيس جاري ڪري جواب طلب ڪيو۔
اڄ جي ٻڌڻي ۾ جسٽس رضا قريشي ۽ جسٽس جواد حسن تي مشتمل بئنچ عمري جي اجازت تي حڪمِ امتناع جاري ڪيو۔ عدالت بعد ۾ ڪيس جي ٻڌڻي اڻڄاتل مدي تائين ملتوي ڪري ڇڏي۔
ڊويزن بئنچ جي فيصلي کان پوءِ شيخ رشيد جي طرفان داخل ڪيل توهينِ عدالت واري درخواست به غير مؤثر ٿي وئي۔
