ڪراچي (اسٽاف رپرٽر) ڪراچي جي ميئر مرتضيٰ وهاب چيو آهي ته گڏاپ ٽائون ۾ عالمي معيار جو واٽر ٽريٽمينٽ پلانٽ فعال ڪيو ويو آهي، جيڪو زميني پاڻي کي صاف ڪري استعمال لائق بڻائيندو. افتتاحي تقريب ۾ ميئر ٻڌايو ته جديد فلٽريشن سسٽم لکين شهرين تائين صاف پاڻي جي فراهمي کي يقيني بڻائيندو.
هن چيو ته ماحول دوست ٽيڪنالاجي شهر جي مختلف حصن ۾ لڳائي پئي وڃي، جنهن سان گرين هائوس گيسز ۾ گهٽتائي ايندي ۽ عوامي صحت جي بهتري لاءِ سنگ ميل ثابت ٿيندو. ميئر وڌيڪ چيو ته جديد انفراسٽرڪچر قائم ڪيو پيو وڃي ته جيئن پاڻي جو بهتر استعمال ممڪن بڻجي.
مرتضيٰ وهاب ٻڌايو ته ساڳيا منصوبا شهر جي ٻاهرين علائقن ۾ به شروع ڪيا ويندا، جڏهن ته يونيورسٽي روڊ تي ڪم جاري آهي ۽ 20 مختلف آر او پلانٽس تي به ڪم شروع ڪيو ويو آهي. ننڍا آر او پلانٽس به فعال ڪيا پيا وڃن.
ميئر ڪراچي زور ڏنو ته شهر جي گهٽين ۽ پاڙن ۾ به ترقياتي ڪم جاري رکيو ويندو ته جيئن ماڻهن جا مسئلا حل ٿي سگهن.
