راولپنڊي(ويب ڊيسڪ) چيئرمين پاڪستان تحريڪ انصاف بيرسٽر گوهر علي خان چيو آهي ته هو هر اڱاري تي ملاقات لاءِ اچي ٿو پر افسوس سان اجازت نه ڏني ويندي آهي. هن چيو ته حالتن جي بهتري لاءِ ملاقات جي “منٿون” ڪري رهيو آهي، 2025 گذري ويو، هاڻي حالتون بدلڻ گهرجن.
راولپنڊي اڊياله روڊ تي ميڊيا سان ڳالهائيندي چيئرمين پي ٽي آءِ چيو ته تحريڪ پنهنجي جاءِ تي آهي، پر ڳالهين جو سلسلو به ٿيڻ گهرجي. هن چيو ته حالتن جي گهرجن موجب ڳالهيون نه ٿي رهيون آهن.
بيرسٽر گوهر علي خان صاحبِ اقتدار کي اپيل ڪئي ته حالتن جي سنگيني کي نظر ۾ رکندي دل وڏي ڪن ۽ قوم جي ٻارن تي رحم ڪن. هن چيو ته اسان لاءِ سسٽم رڪجي ويو آهي، جيڪڏهن نه رڪجي ها ته روز هتي نه بيهڻو پوي ها. عدالتي حڪم ايس او پيز تحت جاري آهن، ڪو طريقو ڪڍو جنهن سان حالتون بهتر ٿين.
هن وڌيڪ چيو ته هن سال باني پي ٽي آءِ ۽ بشريٰ بي بي کي ٻه سزائون مليون، جڏهن ته 2025 ۾ دشمن سان سيز فائر ٿيو پر اندروني تڪرار ختم نه ٿيو.
