اسلام آباد (ويب ڊيسڪ) حڪومت نئين سال جي شروعات تي عوام لاءِ خوشخبري آڻي رهي آهي. سرڪاري ذريعن موجب، پهرين جنوري کان تيل جي اگهن ۾ گهڻي گهٽتائي جو امڪان آهي، جيڪو عالمي منڊي ۾ خام تيل جي قيمتن ۾ تيز ڪمي سبب ممڪن بڻيو آهي.
پيٽرول جي قيمت ۾ 10.60 رپيا في لٽر تائين گهٽتائي جو امڪان آهي، جنهن سان موجوده 263.45 رپيا کان گهٽجي 252.85 رپيا في لٽر ٿيڻ جو امڪان آهي. هاءِ اسپيڊ ڊيزل جي قيمت ۾ 8.59 رپيا في لٽر گهٽتائي سان موجوده 265.65 رپيا کان گهٽجي 257.06 رپيا في لٽر ٿيڻ جي اميد آهي. مٽي جي تيل ۾ 8.92 رپيا في لٽر گهٽتائي سان قيمت 180.54 رپيا کان گهٽجي 171.62 رپيا في لٽر ٿيڻ جو امڪان آهي، جڏهن ته لائيٽ ڊيزل آئل جي قيمت ۾ 6.62 رپيا في لٽر گهٽتائي جو امڪان آهي.
حڪومت جي تجويز تي عملدرآمد ٿيڻ جي صورت ۾ عوام کي ايندڙ 15 ڏينهن لاءِ وڏو رليف ملندو، جيڪو مهانگائي جي دٻاءَ ۾ ساهه کڻڻ جو موقعو فراهم ڪندو.
