گهوٽڪي (رپورٽ: نديم علي دايو): آءِ جي سنڌ جاويد عالم اوڍو ميرپور ماٿيلو ۽ ڪچي جي علائقن جو جائزو وٺڻ بعد گذريل ڏينهن ايس ايس پي گهوٽڪي جي آفيس پهتو، جتي امن و امان بابت اهم اجلاس جي صدارت ڪئي۔
اجلاس ۾ ڊي آءِ جي سکر، ڊي آءِ جي لاڙڪاڻو، ايس ايس پي گهوٽڪي، ايس ايس پي سکر، ايس ايس پي ڪشمور سميت ٻين پوليس آفيسرن ۽ رينجرز جي آفيسرن شرڪت ڪئي۔ ان موقعي تي ايس ايس پي گهوٽڪي محمد انور کيتران ۽ ايس ايس پي ڪشمور ڪچي جي علائقن ۾ ڏوهارين خلاف هلندڙ آپريشن بابت تفصيلي بريفنگ ڏني۔
اجلاس ۾ فيصلو ڪيو ويو ته ڪچي جي علائقن ۾ ڏوهارين کي چٿڻ لاءِ آپريشن وڌيڪ تيز ڪيو ويندو، جيئن امن و امان جي صورتحال بهتر بڻائي سگهجي۔
