اسلام آباد(ويب ڊيسڪ) وفاقي گاديءَ جو هنڌ اسلام آباد ۾ بلدياتي چونڊون روڪيون ويون آهن، ان سلسلي ۾ اليڪشن ڪميشن آف پاڪستان طرفان جاري نوٽيفڪيشن موجب چونڊن جو شيڊول واپس وٺي ڇڏيو ويو آهي.
نوٽيفڪيشن ۾ ڄاڻايو ويو آهي ته حڪومت طرفان 10 جنوري تي اسلام آباد بلدياتي حڪومت ترميمي آرڊيننس جاري ڪيو ويو، جنهن سان وفاقي گاديءَ واري علائقي ۾ مقامي حڪومت جو ڍانچو تبديل ڪيو ويو آهي. ان تبديلي سبب چونڊن جو طريقو به تبديل ٿيو آهي، جنهن ڪري اليڪشن ڪميشن شيڊول واپس وٺڻ جو فيصلو ڪيو.
ياد رهي ته ان کان اڳ اليڪشن ڪميشن اسلام آباد ۾ 15 فيبروري تي بلدياتي چونڊن جو شيڊول جاري ڪيو هو.
