ڪوئيٽا: (ويب ڊيسڪ) حافظ نعيم الرحمان جي بلوچستان جي وڏي وزير سرفراز بگٽي سان ملاقات، ملاقات ۾ بلوچستان جي سياسي، سماجي ۽ مجموعي صورتحال تي بحث ٿيو.
ملاقات ۾ نوجوانن کي آئي ٽي ۾ تربيت ڏيڻ لاءِ قدمن تي اتفاق راءِ ٿيو. بلوچستان جي وڏي وزير آئي ٽي تربيتي پروگرام منعقد ڪرڻ تي حافظ نعيم الرحمان جو شڪريو ادا ڪيو. حافظ نعيم الرحمان بلوچستان حڪومت پاران کنيل قدمن تي اطمينان جو اظهار ڪيو.
حافظ نعيم الرحمان آئي ٽي تربيتي پروگرامن کي وڌائڻ جي پنهنجي عزم کي ورجايو. تقريب کي خطاب ڪندي حافظ نعيم الرحمان چيو ته معياري ۽ مفت تعليم فراهم ڪرڻ حڪومت جي ذميواري آهي. جڏهن اسان ٽيڪس ادا ڪندا آهيون ته حڪومت جي ذميواري آهي ته اسان کي تعليم ڏئي.
هن وڌيڪ چيو ته جيڪڏهن حڪومت آئي ٽي پروگرامن ۾ نوجوانن کي سهولتون فراهم ڪندي ته برآمدات وڌنديون. اسان بانو قابيل پروگرام تحت مفت ڪورس ڪنداسين.
