اسلام آباد: (ويب ڊيسڪ) بلوچستان جو وڏو وزير سرفراز بگٽي چيو آهي ته دهشتگرد ھٿين خالي شهرين کي نشانو بڻائي رهيا آهن، رياستي رٽ کي ڪنهن به صورت ۾ چئلينج ٿيڻ نه ڏينداسين.
اسلام آباد ۾ پريس ڪانفرنس ڪندي بلوچستان جي وڏي وزير چيو ته دهشتگردن کي ڪنهن به حالت ۾ ڪا به رعايت نه ڏني ويندي. ڪالهه فورسز چاغي ۾ دهشتگردن خلاف اهم آپريشن ڪيو. دهشتگرد جهانزيب پنهنجا هٿيار رکيا ۽ هڪ ٻئي آپريشن ۾ مارجي ويو.
سرفراز بگٽي چيو ته دهشتگرد اهم تنصيبات کي نشانو بڻائڻ چاهين ٿا. دهشتگرد جهانزيب هڪ وڊيو بيان ۾ مختلف ڪارروائين جو اعتراف ڪيو. دهشتگردن خلاف سخت هوائي ۽ زميني آپريشن ضروري آهن.
بلوچستان جو وڏو وزير چيو ته دهشتگرد جهانزيب دالبندين ۾ هٿيار ۽ ٻيو مواد فراهم ڪندو هو. آپريشن دوران هڪ نوجوان زخمي ٿيو. هن سندس جلد صحتيابي لاءِ دعا ڪئي. سيڪيورٽي فورسز بروقت ڪيترين ئي دهشتگرد ڪاررواين کي ناڪام بڻايو.
هن چيو ته هاءِ ويليو ٽارگيٽ کي پڪڙڻ فورسز جي وڏي ڪاميابي آهي، افغان حڪومت کي پنهنجي زمين دهشتگردي لاءِ استعمال نه ٿيڻ ڏيڻ گهرجي، انتها پسند نوجوانن کي ورغلائڻ جي ڪوشش ڪري رهيا آهن.
سرفراز بگٽي چيو ته ڪنهن کي به بلوچستان جي امن کي متاثر ڪرڻ جي اجازت نه ڏني ويندي، دهشتگردن جي رابطي کي روڪڻ ضروري آهي، 4G سروس بند ڪرڻ تي حڪومت تي سخت تنقيد ڪئي وئي، انٽرنيٽ سروس بند ڪرڻ جو مقصد دهشتگردي کي ڪنٽرول ڪرڻ هو.
بلوچستان جي وڏي وزير چيو ته ڀارتي ايجنسي ‘را’ پاڪستان ۾ دهشتگردي ۾ ملوث آهي، مان پهرين ڏينهن کان چئي رهيو آهيان ته هي ‘را’ تي ٻڌل، ‘را’ جي فنڊ ڪيل جنگ آهي، هي ‘را’ پاران پاڪستان تي مسلط ڪيل جنگ آهي.
هن چيو ته دهشتگردن کي رياست مخالف بيانيه ٺاهڻ ۾ ڪامياب ٿيڻ نه ڏنو ويندو، فتنه الھندوستان جا دهشتگرد بلوچستان ۾ ڪارروائين ۾ ملوث آهن، مهرانگ بلوچ گم ٿيل ماڻهن بابت پروپيگنڊا پکيڙي رهيا آهن.
