راولپنڊي (ويب ڊيسڪ) پاڪستان تحريڪِ انصاف جي باني چيئرمين ۽ اڳوڻي وزيراعظم عمران خان ۽ سندس گهرواري بشريٰ بي بي خلاف توشا خانا ٽو ڪيس ۾ آخري ٻن شاهدن بيان رڪارڊ ڪرائي ڇڏيا.
توشا خانا ٽو ڪيس جي ٻڌڻي اڊيالا جيل ۾ ٿي، جتي پي ٽي آءِ باني عمران خان ۽ سندس گهرواري بشريٰ بي بي کي عدالت جي ڪمري ۾ پيش ڪيو ويو.
فريادي ڌر ڪيس جي آخري ٻن شاهدن جا بيان رڪارڊ ڪرايا، شاهدن ۾ نيب جو جاچ آفيسر محسن هارون ۽ ايف آءِ اي جو انويسٽيگيشن آفيسر شاهد پرويز شامل هئا.
توشا خانا ٽو ڪيس ۾ مجموعي طور 20 شاهدن جا بيان رڪارڊ ڪيا ويا، جن مان 18 کان آڏي پڇا مڪمل ڪئي وئي آهي.
عدالت ڪيس جي وڌيڪ ٻڌڻي 24 سيپٽمبر تائين ملتوي ڪري ڇڏي.
