لاهور(ويب ڊيسڪ) ڊي جي آءِ ايس پي آر ليفٽيننٽ جنرل احمد شريف چوڌري پنجاب يونيورسٽي لاهور جو دورو ڪيو جتي شاگردن ۽ انتظاميا پاران سندس گرمجوشي سان استقبال ڪيو ويو.
ڊي جي آءِ ايس پي آر شاگردن سان هڪ خاص سيشن منعقد ڪيو ۽ انهن جي سوالن جا جواب ڏنا.
شاگردن مادر وطن جي دفاع ۾ پاڪ فوج سان گڏ بيهڻ جي پنهنجي عزم جو اظهار ڪيو. ڊي جي آءِ ايس پي آر وائيس چانسلر پروفيسر ڊاڪٽر محمد ۽ فيڪلٽي ميمبرن سان پڻ ملاقات ڪئي.
شاگردن ۽ فيڪلٽي ميمبرن هندستان کي شڪست ڏيڻ تي پاڪ فوج کي خراج تحسين پيش ڪيو.
شرڪت ڪندڙن چيو ته استاد ۽ شاگرد پياري وطن جي دفاع لاءِ هميشه پاڪ فوج سان گڏ بيٺا آهن، پاڪ فوج خلاف منفي پروپيگنڊا جي ڪري پيدا ٿيندڙ ابهام ۽ شڪ ختم ٿي ويا آهن.
شرڪت ڪندڙن وڌيڪ چيو ته ڊي جي آءِ ايس پي آر سان پنهنجي گفتگو ۾، انهن غلط معلومات ۽ جعلي خبرن بابت آگاهي حاصل ڪئي، ۽ اهڙا سيشن نوجوانن ۾ غلط فهمي کي دور ڪرڻ لاءِ ضروري آهن.
